Tháinig mic léinn  isteach ó Ollscoil na Gaillimhe agus mhúin siad CPR dúinn. Bhí ceithre stáisiún ann ag taispeáint na gcéimeanna le haghaidh CPR. Agus bhí cluiche ann ag an deireadh . Bhí an-chraic agus spraoi ag an Rang 5 🙂

Míle buíochas d’Fhionn agus d’Fhinian a scríobh an píosa thuas.

Bhí na páistí i rang a 5 agus rang a 6 in iomaíocht lena chéile inniu mar pháirt de chomórtas litrithe Eason.  Léirigh na páistí caighdeán an-ard agus sa bhabhta deireanach ní raibh fágtha ach cúigear, beirt as rang a 5 agus triúr as rang a 6. Bhí an bua ag Joe ó rang a 6 nuair a litrigh sé an focal “Immediate” i gceart. Beidh sé ag dul ar aghaidh anois go dtí craobh an chontae agus guíonn muid gach rath ar.

Bhí muid chomh gnóthach le tamall anuas nach raibh deis againn a bheith ag blagáil, ach tá muid ar ais anois. Seo roinnt den nuacht atá againn ó bhí muid libh go deireanach.

Bhí muid an-ghafa le drámaí don bhFéile Scoildrámaíochta. Comhgháirdeachas le Rang a 5 a chuir an ceoldráma Duairc go Suairc ar stáitse i gCinn Mhara. Rinne siad obair na gcapall agus bhain siad an-sult as, gan trácht ar an méid foghlama eile a tháinig as. Maith sibh, a ghasúir. Seo pictiúir a tógadh ar scoil. (Clíodhna as láthair.)

Seo mar a cheap na moltóirí:

Bhí Rang a 6 iad féin ag obair go crua ar an dráma An Gadaí. Dráma é seo bunaithe ar scéal a scríobh An Piarsach a chóirigh Bean Uí Neachtain agus múinteoir Bairbre don stáitse. Chuir siad isteach ar an rannóg speisialta sa bhFéile – drámaí bunaithe ar an téama 1916. Rinne siad jab iontach agus tá muid ar fad fíor-bhródúil astu. Seo mar a cheap na moltóirí:

Beidh Rang a 6 le feiceáil an deireadh seachtaine seo ar stáitse i gColáiste Chonnachta mar chuid d’Éigse an Spidéil agus beidh siad le feiceáil sa Taibhdhearc freisin mar chuid den cheiliúradh atá leagtha amach acu de chomóradh 1916.

Chomh maith le bheith i mbun drámaíochta, tá Rang a 6 ag foghlaim faoi fhiontraíocht agus iad ag oibriú ar an JEP. Beidh toradh a gcuid oibre le feiceáil againn go luath.

Tá an t-earrach buailte linn chomh maith agus seo roinnt den obair ealaíne atá déanta againn le tamall anuas.

Ag athchúrsáil agus ag priondáil le haghaidh Lá Fhéile Vailintín…

Rinne Rang a 5 taighde iontach faoi Jackson Pollack. Ansin, rinne siad a gcuid íomhánna féin bunaithe ar a mhodh oibre. Bhí péint go cluas agus neart glanadh suas ina dhiaidh, ach thaitin sé go mór le chuile dhuine!

Nach spéisiúil na pictiúir iad.

Taighde an-suimiúil á dhéanamh ag Rang a 6 inniu. Bhailigh muid na sonraí maidir le líon na mbuachaillí agus na gcailíní uaidh gach rang agus d’oibrigh muid amach go bhfuil cóimheas níos airde de chailíní ná go bhuachaillí sa scoil. Sí rang a 2 an rang leis an gcóimheas is mó i dtaobh na gcailíní ag 4:11

Chríochniagh muid na tionscnaimh ar Na Normannaigh. Breathnaigh ar an obair iontach a rinne muid.

Thóg muid ár gcuid caisleáin Normannacha féin freisin.

Ach rinne Isabelle agus Aimée an ceann an-speisialta seo! (Bhí sé an-bhlasta!) 🙂

Bhí muid ag foghlaim faoin gciorcail sa rang mata. Chruthaigh muid na pictiúir seo ag usáid compás.

Tháinig Ciarán Hogan as an gCeardlann isteach chugainn agus rinne muid na croiseanna seo. Nach mór an spórt iad.

Bhí seachtain an-ghnóthach againn i Rang a 5. D’fhoghlaim muid faoin nasc idir chéatadáin, deachúla agus codáin. Bhí muid ag snámh. Bhí cuid againn ag iománaíocht agus ag imirt liathróid láimhe freisin. Chríochnaigh muid an leabhar Gaeilge a bhí á léamh againn, Go Tóin Poill. Seo cuid de na clúdaigh a dhearr muid féin roimh an Nollaig.

Thosaigh muid ag plé an dráma a bheidh muid a dhéanamh don Fhéile Scoildrámaíochta, le cúnamh Dé. Tá muid ar bís! 🙂

Rinne muid obair na gcapall ar thionscnaimh staire faoi Na Normannaigh. Seo cúpla pictiúr agus beidh tuilleadh le theacht an tseachtain seo chugainn nuair a bheidh na caisleáin ar fad tógtha! De réir a chéile…

D’fhoghlaim muid faoi aidiachtaí iontacha sa rang Béarla a chabhróidh go mór linn agus muid ag tabhairt faoi scéalta a scríobh don chomórtas Write-a-Book. Bhain muid an-sult as an dán iontach a thug Tomás Kiaulakis isteach, Some Things Don’t Make Any Sense at All. Go raibh maith agat, a Thomáis. Agus ní féidir linn dearmad a dhéanamh ar Wonder. Is breá linn é!

Some Things Don’t Make Any Sense at All

Inniu, rinne muid tuargnamh eolaíochta chun foghlaim faoi sheoltóirí agus inslitheoirí. Seo cuid den chur síos a rinne Fiona air.

Bainigí súp as an deireadh seachtaine! 🙂

Bhí rang a 6 ag obair le maighnéad le tamaill anuas agus i rith na seachtaine turgnamh chun maighnéad a dhéanamh as gnáth tairne trí sreang coper a casadh timpeall ar agus cadhnra 1.5v agus 6v a cheangail leis.

Nollaig Shona agus Athbhliain faoi shéan agus faoi mhaise daoibh go léir !!

Tá Coiste na nDaltaí an-sásta gur bhailigh an scoil €336.50 ar an Luan. Tá an t-airgead seo ag dul i dtreo 5 tháibléad nua a cheannach don scoil.  Míle buíochas do gach duine a thug isteach airgead.

A chairde,

Seo a leanas na físeanna de na hamhráin i gcomhar na Peace Proms !!