Dé hAoine seo caite, bhí Céilí Mór na Bealtaine againn. Bhailigh Rang a 5 agus Rang a 6 as Scoil Éinne, Scoil na bhForbacha agus Scoil Shailearna le chéile i gColáiste Chonnacht agus bhí ceiliúradh spleodrach againn! Rinne muid trí dhamhsa; An Staicín Eorna, Breathnaigh’n tAsal (Shoe the Donkey) agus Ionsaí na hInse. Chan muid amhráin agus bhí dreas ceoil againn chomh maith. Fuair ‘chuile dhuine plaicín le n-ithe agus bhí an-chraic againn ar an gcaisleán spraoi agus thíos ar an bpáirc ina dhiaidh. An-lá go deo! 🙂

Tá muid buíoch do Thraolach Ó Conghaile a chuimhnigh ar an ocáid ó thús agus do Dheirdre sa nGaelacadamh a thug an méid sin tacaíochta.